Fasteignasalan Árborgir kynnir:Sérbýli á einni hæð í námunda við útivistarsvæði. Mjög fallegt og vel skipulagt raðhús á einni hæð með bílskúr. Í húsinu eru þrjú svefnherbergi. (Möguleiki á því fjórða) Góður garður sem snýr til suðurs með stórri timburverönd.Nánari lýsing eignar: Bílastæði er rétt fyrir framan húsin. Gengið er þaðan uppá mjög snyrtilega hellulagða stétt sem leiðir upp að húsunum. Við bílastæðin er bílskúralengja þar sem eigninni fylgir einn bílskúr.
Forstofa: Komið er inn í forstofu með dökkum flísum á gólfi og góðum þreföldum eikarfataskáp.
Þvottaherbergi: Innaf forstofu er þvottaherbergi. Geymsluloft er úr þvottahúsinu sem liggur yfir hluta hússins.
Sjónvarpshol: Komið er inn úr forstofunni í opið rými sem nýtist sem gott sjónvarpshol.
Sjónvarpsholið er einskonar miðja eignarinnar og leiðir að öllum öðrum rýmum hennar. Flísar á gólfi.
Setustofa + borðstofa: Í framhaldi af sjónvarpsholinu er stór borðstofa og setustofa. Á gólfi er parket. Útgengi er frá stofunni út á stóra timburverönd og gróinn garð. Garðurinn og veröndin snúa í suður.
Eldhús: Eldhúsið er aflokað. Góð innrétting með miklu skápaplássi. Efri skápar eru á tvo veggi og góður gluggi er á þeim þriðja. Parket á gólfi.
Baðherbergi: Baðherbergið er með hvítum skápum undir vaski og við hlið spegils. Bæði baðkar og sturtuklefi eru í rýminu. Handklæðaofn er á vegg.
Hjónaherbergi: Hjónaherbergið er með parketi á gólfi og fataskáp, útgengi er frá herberginu út á timburveröndina á bak við húsið.
2 x Barnaherbergi: Barnaherbergin eru tvö – þar af annað þeirra mjög rúmgott sem
var áður tvö herbergi. Einfalt að breyta til baka ef þarf 4. svefnherbergi.Bílskúr: Bílskúrinn er í bílskúrslengju fyrir framan húsið. Á skúrnum er nýleg hvít plast bílskúrshurð með sjálfvirkum hurðaopnara. Skúrinn er með hitaveitu, neysluvatni (heitu og köldu) og rafmagni.
Um er að ræða frábært fjölskyldu hús sem er einstaklega vel skipulagt og allir fermetrar eru vel nýttir. Nánari upplýsingar og bókið skoðun á skrifstofu Árborga.
arborgir@arborgir.is eða í síma 482-4800 eða Sigurður í síma 897-5930.
Raðhús/ Raðhús á einni hæð 
4 herb.
157 m2
90.000.000 