ÁRBORGIR SELFOSSI S 482 4800 kynna í einkasölu:
Björt og vel skipulögð íbúð á jarðhæð í nýlegu fjölbýlishúsi skammt frá Stekkjarskóla.
Húsið er staðsteypt, klætt að utan með bárujárni, gluggar og hurðir eru ál/tré.
Íbúðin er alls 77,3m2 að stærð og skiptist í forstofu, baðherbergi, 2 svefnherbergi, geymslu með glugga (getur nýst sem herbergi), stofu og eldhús.
Flísar eru á gólfi í forstofu og þar er fataskápur.
Baðherbergið er flísalagt en þar er gólfsturta, innrétting og aðstaða fyrir þvottavél.
Stofa og eldhús eru í opnu rými, parket er á gólfi en snyrtileg innrétting frá HTH er í eldhúsi. Í stofu er útgengt á verönd á baklóð.
Herbergin eru parketlögð og eru fataskápar í þeim báðum.
Geymslan er parketlögð en þar er stór gluggi og því hægt að nýta sem 3ja herbergið.
Hjóla og vagnageymsla er í sérhúsi sem er í sameign. Lóðin er frágengin og bílaplan er malbikað.
Í heildina er um að ræða skemmtilega og vel staðsetta íbúð.
Nánari upplýsingar og bókið skoðun á skrifstofu Árborga.